Блогимда қолдирилаётган изоҳларнинг энг кўпи шу саволдан иборат: «Жетон қачон берилади?». Миграция агентлиги бу ҳақда аниқ жавоб айтгани йўқ. Корея Республикасининг Бандликка рухсат бериш тизими электрон базасида Қирғизистон, Лаос, Покистон, Непал, Филипин, Монголия, Шри-Ланка, Бангладеш, Мьянма (2017 йил 13 февралдан 20 мартгача) каби давлатларда жетон берилиши ҳақида маълумот мавжуд. Аммо бу рўйхатда Ўзбекистон номи йўқ. Ваҳоланки Ўзбекистон Жанубий Кореяга ишчи ресурсларни юбориш бўйича юқори поғоналарда туради. Хўш, нима учун Ўзбекистонда Кореяга ишлашга бориш учун жетон берилмаяпти, қачон жетон берилиши мумкин? Бу бўйича бир неча тахминларимни илгари сурсам. Эътибор берган бўлсангиз, Корея Республикасининг SPAS  дастури бўйича тизими электрон базасида Ўзбекистон ҳақида маълумот берилса коррупция, порахўрлик сўзлари кўп қўлланилган. Ҳа, Ўзбекистонда миграция агентлиги Кореяга ишлашга кетишни коррупцияга тўлдириб ташлаган эди. Шу сабабли корейслар имтиҳон олишнинг барча жараёнларини шаффофлаштириш, ўз назоратлари остига олишга ҳаракат қилди. Охирги марта жетон берилганда кўпчилик бунинг гувоҳи бўлди.

Иккинчи тахмин ҳам порахўрлик билан боғлиқ. Халқимиз Кореяга бориб кўпроқ пул топиш илинжида пора бериб, турли йўллар билан Кореяга кетишга ҳаракат қилмоқда. Жетоннинг ўзи 800-1000 долларга чиқиб кетганди. Асосий оддий шарт, яъни корейс тилини ўрганиш эса энг охирги ўринга ташлаб қўйилди. Натижада Кореяга корейс тилининг «к» ҳарфини ҳам билмайдиган жуда кўп сонли ўзбекистонликлар кетди. Уларнинг айримлари аэропортдан қайтариб юборилган бўлса, айримлари корхоналарда ҳамманинг тоқатини тоқ қилди, корейсларнинг норозиликларига сабаб бўлди ва бу жараён ҳамон давом этмоқда.

Учинчидан, SPAS  дастури бўйича Кореяга борганларнинг кўпчилиги ноқонуний йўллар билан шартнома муддати тугагандан кейин ҳам Кореяда қолиб ишлашда давом этмоқда, ҳаттоки улар рўйхати агентликнинг migration.uz сайтида ҳам бир неча қисмга бўлинган ҳолда берилган. Токи улар Ўзбекистонга қайтмас экан, янги жетонлар тарқатилиши эҳтимоли пасайиб кетаверади (Худо уларга инсоф берсин).

Тўртинчидан, айрим ўзбекистонликлар турли йўллар билан Кореяга бориб, нелегал қочиб кетмоқда. Бу жиҳат ҳам меҳнат миграцияси соҳасида икки давлат ўртасидаги келишувларнинг тўлақонли амалга ошишига тўсқинлик қилади.

Бешинчи тахмин Корея Республикасидаги сиёсий вазият билан боғлиқ. Кўпчиликнинг хабари бор, айни пайтда Корея президенти Пак Кин Ҳе импичменти Конституцион суд қарори билан тасдиқланди. Энди мамлакат аҳолиси 9 майга қадар бўладиган президентлик сайловига тайёргарлик кўрмоқда. Эҳтимол шу сабабли жетон муддати ортга сурилаётгандир.

Хўш, қачон Кореяга жетон берилади? Тахминимча, бу йил куз ойларида жетон берилса керак.

 

6 комментариев

  1. Oxirgi marta Nukusda o’tkazilgan imtixon haqida.
    Oktyabrda nukusga imtixonga borgandim, Nukusda hamma domlalar oldindan gaplashilib tayyorlab bo’lingan ekan. Hammasi pulga o’ch. Imtixon topshiruvchilarga ichkariga telefon yetkazib berish sharti bn pullarni olvolgan. Domlalarni o’zi ham ichkariga smartfonlar bn kirgan. Imtixon boshlanganda imtihonga kelmaganlarni test qog’ozlarini oynadan pastga tashlashadi, pastda bitta quyon savol kitobchasini koreys tilini biladigan yonsei yoki seoul universitetini talabasiga olib chiqib beeradi. Seul universitetini talabasi testlarni 5 minutda yechib tashab, javobni telefon olib kirganlarga tashlaydi. Telefon olib kirolmagan auditoriyalarda domlalarga 4 xil javob varianti keladi va domla qogozga variantla bo’yicha javoblarni yozib imtixon topshiruvchilarga beradi. javoblarni berishdan oldim hammadan passportlarni domla yigib oladi va koreadan javob cchiqqandan so’ng o’tganiga qarab pul olaveradi. Domlalar ushlanib qolsa akalarini pesh qilib, men falonchani odamiman seni yoq qildirib tashlayman deb do’q qiladi. Nomeri o’tmasa ko’z yoshini oqizib o’tiradi.

    Жавоб
  2. Худога шукурки, жетон мен тахмин қилгандан анча олдин бериладиган бўлибди, ҳаммани табриклайман, онлайн рўйхатдан ўтиш ва имтиҳон топширишда барчага омад тилайман 🙂

    Жавоб
  3. Assalom alekum oka jiton olish uchun masofadan turib ham olsa boladimi yani boshqa mamlakattan turib anchadan beri kutyapgan edim endi jiton olishga imkon bolganda safarda bolib qoldim. Javob uchun rahmat

    Жавоб
  4. Assalom alekum oka jitonni bashqa mamlakatta turib online sharoyitta olsa boladimi va igzamin ham shu korinishda topshirsa boladimi.

    Жавоб
    • Ва алайкум ассалом, жетонни масофадан амалласа бўладию, имтиҳонни белгиланган жойда топширишнгиз керак

      Жавоб
  5. JETON IMTIXONLARI HAM JUDA BIZGA MOS TARZIDA HAQIQATGA JUDA YAQIN TARZDA ANIQ QILIB AYTSAM UMUMAN HAQIQAT BO’LMADI BIZNI QON QONIMIZGA SINGIB KETGAN TANISH BILISH QILIB BIR ISHNI BITQAZISH MENKU BIR YIL TAYYORLANDIM KOREYS TILIDA. LEKIN SHU ISHGA KOREGA KETAMANDA DEB FARZANDINI RIZQINI QISIB VILOYAT MARKAZLARIGA YUBORIB TAYYORGARLIK UCHUN MABLAG’ AJRATGAN OTA ONALARNI KO’RDIM SHUNCHALIK QIYNALIB FARZANDIGA PUL YUBORIB REPITITORGA PUL AJRATMOQDA. AFSUSKI SHU NARSALARNI INOBATGA OLMAYOTGAN MIGRATSIYADAGI INSOFSIZLAR NAGILLI SOTDIKU JETONNI BUNGA NIMA DEYSIZLAR BIZDA QACHON IMTIXONLARI SHAFFOLIGI TAMINLANMASA KOREYS TILINI BILMAYDIGANLAR BORIB SHARMANDA QILAVERADI. MAN XURSAND BO’LGANDIM PARTAL ISHLAYAPTI SHAFFOFLIK BO’LADI DEB PARTALGA XAT QILINGANDI KO’PLAB ODAMLARNI ARIZASI HAM KO’RIB CHIQILMADI. BIZDA MIGRATSIYA UMUMAN ISHLAMAYDIKU

    Жавоб

Изох қолдириш

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>


1 + один =